[829] Mā te mitto amitto vā agamāsi kajaṅgalaṃ piñjāni tattha lāyitvā kaṇṭhe bandhanti vaṭṭanaṃ.

[830] Puna pāpajjasī samma sīlaṃ hi tava tādisaṃ na hi mānusakā bhogā subhuñjā honti pakkhinoti . Kapotakajātakaṃ niṭṭhitaṃ. Aḍḍhavaggo tatiyo. --------- Tassuddānaṃ atha vaṇṇa sasīla hiri labhate sumukhāsi sasāliya mittavaro atha cakka palāsa sarāja sato yava bāla kapotaka paṇṇarasa . --------- Tatra vagguddānaṃ bhavati. Jinañca vaṇṇaṃ asamaṃ vaguppari sudesitā jātakanti santi vīsati mahesino brahmacarittamutta mavoca gāthā atthavatī subyañjanā. Pañcakanipātaṃ niṭṭhitaṃ.