[837] Mā tāta kujjhi na hi sādhu kodho bahumpi te adiṭṭhaṃ assutañca mātāpitā disā tāta setaketu ācariyamāhu disataṃ pasatthā.

[838] Agārino annapānavatthadā avhāyikā tampi disaṃ vadanti esā disā paramā setaketu yaṃ patvā dukkhī sukhino bhavanti.

[839] Kharājinā jaṭilā paṅkadantā dumukkharūpā yeme japanti mante kacci nu te mānusake payoge idaṃ vidū parimuttā apāyā.

[840] Pāpāni kammāni karitvā rāja bahussuto neva careyya dhammaṃ sahassavedopi na taṃ paṭicca dukkhā pamuñce caraṇaṃ apatvā.