[893] Dhammaṃ caratha ñātayo dhammaṃ caratha bhadda vo dhammacārī sukhaṃ seti asmiṃ loke paramhi ca.

[894] Bhaddako vatāyaṃ pakkhī dijo paramadhammiko ekapādena tiṭṭhanto dhammamevānusāsati.

[895] Nāssa sīlaṃ vijānātha anaññāya pasaṃsatha bhutvā aṇḍañca chāpe ca dhammo dhammoti bhāsati.

[896] Aññaṃ bhaṇati vācāya aññaṃ kāyena kubbati vācāya no ca kāyena na taṃ dhammaṃ adhiṭṭhito.