[963] Cirassaṃ vata passāmi sahāyaṃ maṇidhārinaṃ sukatā massukuttiyā sobhate vata me sakhā.

[964] Parūḷhakacchanakhalomo ahaṃ kamme subyāvaṭo cirassaṃ nahāpitaṃ laddhā lomantamajjahārayi .

[965] Yaṃ nu lomaṃ ahāresi dullabhaṃ laddhakappakaṃ atha kiñci hi te samma kaṇṭhe kiṃnikilāyati .

[966] Manussasukhumālānaṃ maṇi kaṇṭhesu lambati Tesāhaṃ anusikkhāmi mā tvaṃ maññi davā kataṃ.