[1007] Dasaṇṇakaṃ tikhiṇadhāraṃ asiṃ sampannapāyinaṃ Parisāyaṃ puriso gilati kiṃ dukkarataraṃ tato yadaññaṃ dukkaraṃ ṭhānaṃ taṃ me akkhāhi pucchito.

[1008] Gileyya puriso lobhā asiṃ sampannapāyinaṃ yo ca vajjā dadāmīti taṃ dukkarataraṃ tato sabbaññaṃ sukaraṃ ṭhānaṃ evaṃ jānāhi māgadha .

[1009] Byākāsi āyuro pañhaṃ atthaṃ dhammassa kovido pukkusaṃdāni pucchāmi kiṃ dukkarataraṃ tato yadaññaṃ dukkaraṃ ṭhānaṃ taṃ me akkhāhi pucchito.

[1010] Na vācamupajīvanti aphalaṃ giramudīritaṃ yo datvā avākayirā taṃ dukkarataraṃ tato sabbaññaṃ sukaraṃ ṭhānaṃ evaṃ jānāhi māgadha .