[1118] Agamā nūna so saddo asaṃsi nūna so tava akkhātaṃ nūna taṃ tena yo taṃ sākhamakampayi.

[1119] Idaṃ kho taṃ samāgamma mama bālassa cintitaṃ tadā hi calitā sākhā manussena migena vā.

[1120] Tatheva tvaṃ avedasi avañci pitaraṃ mama hantvā sākhāhi chādento āgamissati te bhayanti. Parantapajātakaṃ ekādasamaṃ. Gandhāravaggo dutiyo. ----------- Tassuddānaṃ varagāma mahākapi bhaggava ca daḷhadhamma sakuñjara kesavaro urago vidhūro puna jāgarataṃ atha kosalādhipa parantapa ca. -------- Tatra vagguddānaṃ bhavati. Atha sattanipātamhi vaggaṃ me bhaṇato suṇa kukku ca puna gandhāro dve ca vuttā mahesinā. Sattakanipātaṃ niṭṭhitaṃ.