[1150] Dhamme ca ye ariyappavedite ratā anuttarā te vacasā manasā kammunā ca te khantisoraccasamādhisaṇṭhitā vajanti lokaṃ dubhayaṃ tathāvidhā.

[1151] Rājāhamasmi narapamudānamissaro sacepi kujjhāmi ṭhapemi attanaṃ nisedhayanto janataṃ tathāvidhaṃ panemi daṇḍaṃ anukampa yoniso.

[1152] Sirī ca lakkhī ca taveva khattiya janādhipa mā vijahi kudācanaṃ akkodhano niccapasannacitto anigho tuvaṃ vassasatāni pālaya.

[1153] Guṇehi etehi upehi khattiya ṭhitamariyavutti suvaco akodhano Sukhī anuppīḷa pasāsa medaniṃ ito vimuttopi vajāhi suggatiṃ.