[1184] Viceyya dānaṃ sugatappasatthaṃ ye dakkhiṇeyyā idha jīvaloke etesu dinnāni mahapphalāni bījāni vuttāni yathā sukhette.

[1185] Yo pāṇabhūtāni aheṭhayaṃ caraṃ parūpavādā na karoti pāpaṃ bhīruṃ pasaṃsanti na tattha sūraṃ bhayā hi santo na karonti pāpaṃ.

[1186] Hīnena brahmacariyena khattiye upapajjati Majjhimena ca devattaṃ uttamena visujjhati.

[1187] Addhā hi dānaṃ bahudhā pasatthaṃ dānā ca kho dhammapadaṃva seyyo pubbeva hi pubbatareva santo nibbānamevajjhagamuṃ sapaññāti. Ādittajātakaṃ aṭṭhamaṃ.