[1375] Yenābhibhūto kusalaṃ jahāti parakkare vipulañcāpi atthaṃ sa bhīmaseno balavā pamaddi kodho mahārāja na me amuccatha.

[1376] Kaṭṭhasmiṃ matthamānasmiṃ pāvako nāma jāyati tameva kaṭṭhaṃ dahati yasmā so jāyate gini.

[1377] Evaṃ mandassa posassa bālassa avijānato Sārambhā jāyate kodho sopi teneva ḍayhati.

[1378] Aggīva tiṇakaṭṭhasmiṃ kodho yassa pavaḍḍhati nihīyati tassa yaso kāḷapakkheva candimā.