[1400] Na takkalā santi na ālupāni na vilāliyo na kalambāni tāta eko araññamhi susānamajjhe kimatthiko tāta khaṇāsi kāsuṃ.

[1401] Pitāmaho tāta sudubbalo te anekabyādhīhi dukkhehi phuṭṭho tamajjahaṃ nikkhaṇissāmi sobbhe na hissa taṃ jīvitaṃ rocayāmi.

[1402] Saṅkappametaṃ paṭiladdhapāpakaṃ accāhitaṃ kammaṃ karosi luddaṃ mayāpi tāta paṭilacchase tuvaṃ etādisaṃ kamma jarūpanīto taṃ kūlavattaṃ anuvattamāno ahampi taṃ nikkhaṇissāmi sobbhe.

[1403] Pharusāhi vācāhi pakubbamāno āsajja maṃ tvaṃ vadase kumāra putto mamaṃ orasako samāno ahitānukampī me tvaṃsi putta.