[1414] Samaṇe mayaṃ brāhmaṇe addhike ca vaṇibbake yācanake dalidde annena pānena abhitappayāma Tasmā hi amhaṃ daharā na miyyare.

[1415] Mayañca bhariyaṃ nātikkamāma bhariyāpi amhe nātikkamanti aññatra tāhi brahmacariyaṃ carāma tasmā hi amhaṃ daharā na miyyare.

[1416] Pāṇātipātā viramāma sabbe loke adinnaṃ parivajjayāma amajjapā nopi musā bhaṇāma tasmā hi amhaṃ daharā na miyyare.

[1417] Etāsu ve jāyare suttamāsu medhāvino honti bahūtapaññā bahussutā vedagunā ca honti tasmā hi amhaṃ daharā na miyyare.