[1467] Na paṇḍitā attasukhassa hetu pāpāni kammāni samācaranti dukkhena phuṭṭhā khalitāpi santā chandā ca dosā na jahanti dhammaṃ.

[1468] Yenakenaci vaṇṇena mudunā dāruṇena vā uddhare dīnamattānaṃ pacchā dhammaṃ samācare.

[1469] Yassa rukkhassa chāyāya nisīdeyya sayeyya vā na tassa sākhaṃ bhañjeyya mittadubbho hi pāpako.

[1470] Yassāpi dhammaṃ puriso vijaññā ye cassa kaṅkhaṃ vinayanti santo Taṃ hissa dīpañca parāyanañca na tena mettiṃ jirayetha pañño.