[1581] Te maṃ dhammaguṇe yuttaṃ sussūsamanussuyyakaṃ samaṇā samanussāsanti isidhammaguṇe ratā.

[1582] Tesāhaṃ vacanaṃ sutvā samaṇānaṃ mahesinaṃ na kiñci atimaññāmi dhamme me nirato mano.

[1583] Hatthārohā aṇīkaṭṭhā rathikā pattikārakā tesaṃ nappaṭibandhāmi niviṭṭhaṃ bhattavettanaṃ.

[1584] Mahāmattā ca me atthi mantino paricārikā bārāṇasiṃ voharanti bahumaṃsaṃ surodakaṃ.