[1592] Yathā dadhi ca khīrañca samuddo paṭidissati suppārakantaṃ pucchāma samuddo katamo ayaṃ.

[1593] Bharukacchā payātānaṃ vāṇijānaṃ dhanesinaṃ nāvāya vippanaṭṭhāya dadhimālīti vuccati.

[1594] Yathā kuso ca sasso ca samuddo paṭidissati suppārakantaṃ pucchāma samuddo katamo ayaṃ.

[1595] Bharukacchā payātānaṃ vāṇijānaṃ dhanesinaṃ nāvāya vippanaṭṭhāya kusamālīti vuccati.