[1669] Ācariyabhāriyaṃ sakhiṃ mātulāniṃ pitucchakiṃ yadā loke gamissanti tadā kaṇho pamokkhati.

[1670] Asicammaṃ gahetvāna khaggaṃ paggayha brāhmaṇā panthaghātaṃ karissanti tadā kaṇho pamokkhati.

[1671] Sukkacchavī vedhaverā thūlabāhū apātubhā mittabhedaṃ karissanti tadā kaṇho pamokkhati.

[1672] Māyāvino nekatikā asappurisacintikā yadā loke bhavissanti tadā kaṇho pamokkhatīti. Mahākaṇhajātakaṃ chaṭṭhaṃ.