[1690] Uggaputtarājaputtiyānaṃ urabbhamaṃsaṃ piyaṃ manāpaṃ na te sunakhassa adenti maṃsaṃ Atha meṇḍassa suṇena sakhyamassa.

[1691] Cammaṃ vihananti eḷakassa assapiṭṭhattharaṇaṃ sukhassa hetu na ca te sunakhassa attharanti atha meṇḍassa suṇena sakhyamassa.

[1692] Āvellitasiṅgiko hi meṇḍo na ca sunakhassa visāṇakāni atthi tiṇabhakkho maṃsabhojano ca atha meṇḍassa suṇena sakhyamassa.

[1693] Tiṇamāsi palāsamāsi meṇḍo na ca suṇo tiṇamāsi no palāsaṃ gaṇheyya sunakho sasaṃ biḷāraṃ atha meṇḍassa suṇena sakhyamassa.