[1790] Rājā kāliṅgo cakkavatti dhammena paṭhavimanusāsi agamāsi bodhisamīpaṃ nāgena mahānubhāvena.

[1791] Kāliṅgo bhāradvājo ca rājānaṃ kāliṅgaṃ samaṇakolaññaṃ cakkavattayato pariggahetvā pañjalī idamavoca.

[1792] Paccoroha mahārāja bhūmibhāgo yathā samaṇugīto idha anadhivarā buddhā abhisambuddhā virocanti.

[1793] Padakkhiṇato āvaṭṭā tiṇalatā asmiṃ bhūmibhāgasmiṃ paṭhaviyā ayaṃ maṇḍo iti no sutaṃ [6]- mahārāja.