[1925] So brāhmaṇo hotu avītarāgo muhuttanakkhattapathesu yutto pūjetu naṃ raṭṭhapatī yasassī bhisāni te brāhmaṇa yo ahāsi.

[1926] Ajjhāyakaṃ sabbasamantavedaṃ tapassinaṃ maññatu sabbaloko pūjentu naṃ jānapadā samecca bhisāni te brāhmaṇa yo ahāsi.

[1927] Catussadaṃ gāmavaraṃ samiddhaṃ dinnañhi so bhuñjatu vāsavena avītarāgo maraṇaṃ upetu bhisāni te brāhmaṇa yo ahāsi.

[1928] So gāmaṇi hotu sahāyamajjhe naccehi gītehi pamodamāno mā rājato byasanamalattha kiñci bhisāni te brāhmaṇa yo ahāsi.