[1983] Ekova indo asure jināti ekova seno hanti dije pasayha ekova byaggho migasaṅghapatto varaṃ varaṃ hanti balañhi tādisaṃ.

[1984] Naheva indo na seno napi byaggho migādhipo samagge sahite ñātī byaggho na kurute vase.

[1985] Kumbhilakā sakuṇikā saṅghino gaṇacārino sammodamānā ekajjhaṃ uppatanti uyyanti ca. Tesañca ḍiyamānānaṃ ekettha apasakkati tañca seno nitāleti veyyagghiyeva sā gati.

[1986] Ussāhito jaṭilena luddenāmisacakkhunā dāṭhī dāṭhīsu pakkhandi maññamāno yathā pure.