[2104] Ete yūthā paṭiyanti bhītā maraṇā cittaka gaccha tuvaṃpi mā kaṅkhi jīvissanti tayā saha.

[2105] Nāhaṃ rohana gacchāmi hadayaṃ me avakassati na taṃ ahaṃ jahissāmi idha hessāmi jīvitaṃ. Te hi nūna marissanti andhā apariṇāyakā gaccha tuvaṃpi mā kaṅkhi jīvissanti tayā saha. Nāhaṃ rohana gacchāmi hadayaṃ me avakassati na taṃ bandhaṃ jahissāmi idha hessāmi jīvitaṃ.

[2106] Gaccha bhīru palāyassu kūṭe bandhosmi āyase gaccha tuvaṃpi mā kaṅkhi jīvissanti tayā saha.

[2107] Nāhaṃ rohana gacchāmi hadayaṃ me avakassati na taṃ ahaṃ jahissāmi idha hessāmi jīvitaṃ. Te hi nūna marissanti andhā apariṇāyakā gaccha tuvaṃpi mā kaṅkhi jīvissanti tayā saha. Nāhaṃ rohana gacchāmi hadayaṃ me avakassati Na taṃ bandhaṃ jahissāmi idha hessāmi jīvitaṃ.