[2212] Tassā ca gāyamānāya saddaṃ sutvāna nāriyā kāmacchandassa uppajji janaṃ so paripucchatha. Kasseso saddo ko vā so bhaṇati uccāvacaṃ bahuṃ hadayaṅgamaṃ pemanīyaṃ aho kaṇṇasukhaṃ mama.

[2213] Esā kho pamudā deva khiḍḍā esā anappikā sace tvaṃ kāme bhuñjeyya bhiyyo bhiyyo chandeyyu taṃ.

[2214] Iṅgha āgacchatorena avidūramhi gāyatu assamassa samīpamhi santike mayha gāyatu.

[2215] Tirokuḍḍamhi gāyitvā jhānāgāramhi pāvisi bandhituṃ anupubbena araññamiva kuñjaraṃ.