[2216] Tassā kāmarasaṃ ñatvā issādhammo ajāyatha ahameva kāme bhuñjeyyaṃ mā añño puriso ahu. Tato asiṃ gahetvāna purise hantuṃ upakkami ahameveko bhuñjissaṃ mā añño puriso siyā.

[2217] Tato jānapadā sabbe vikkandiṃsu samāgatā putto tyāyaṃ mahārāja janaṃ heṭhetyadūsakaṃ.

[2218] Tañca rājā nivāhesi samhā raṭṭhā ca khattiyo yāvatā vijitā mayhaṃ na te vatthabba tāvade.

[2219] Tato so bhariyamādāya samuddaṃ upasaṅkami paṇṇasālaṃ karitvāna vanaṃ uñchāya pāvisi.