[2232] Yo jeṭṭho atha majjhimo kaniṭṭho so ce sīlasamāhito ṭhitatto nindiyamatthaṃ pasaṃsiyaṃ vā bhātuno vāvīkareyya guyhamatthaṃ.

[2233] Yo ve pitu hadayassa patthagū anujāto pitaraṃ anomapañño nindiyamatthaṃ pasaṃsiyaṃ vā puttassāvīkareyya guyhamatthaṃ.

[2234] Mātā dvipadajanindaseṭṭha yā naṃ poseti chandasā piyena nindiyamatthaṃ pasaṃsiyaṃ vā mātuyāvīkareyya guyhamatthaṃ.

[2235] Guyhassa hi guyhameva sādhu na hi guyhassa pasatthamāvikammaṃ anipphannatāya saheyya dhīro nipphannatthova yathāsukhaṃ bhaṇeyya.