[2269] Sabbesamevaṃ hi narīnarānaṃ calācalaṃ pāṇabhunodha jīvitaṃ paṭova dhuttassa dumova kūlajo tamme matī hoti carāmi dhammaṃ.

[2270] Dumapphalāneva patanti māṇavā daharā ca vuḍḍhā ca sarīrabhedā nāriyo narā majjhimaporisā ca tamme matī hoti carāmi dhammaṃ.

[2271] Nāyaṃ vayo tārakarājasannibho Yadabbhatītaṃ gatamevadāni taṃ jiṇṇassa hī natthi ratī kuto sukhaṃ tamme matī hoti carāmi dhammaṃ.

[2272] Yakkhā pisācā athavāpi petā kuppitā te assasanti manusse na maccuno assasitumussahanti tamme matī hoti carāmi dhammaṃ.