[2296] Cirassaṃ vata me udapādi ajja bhakkho mahā sattamibhattakāle kutosi ko vāsi tadiṅgha brūhi ācikkha jātiṃ vidito yathāsi.

[2297] Pañcālarājā migavaṃ paviṭṭho jayaddiso nāma yadi suto te carāmi kacchāni vanāni cāhaṃ pasadaṃ imaṃ khāda mamajja muñca.

[2298] Seneva tvaṃ paṇasi sayhamāno mamesa bhakkho pasado yaṃ vadesi taṃ khādiyāna pasadaṃ jighaññaṃ khādissaṃ pacchā na vilāpakālo.

[2299] Na catthi mokkho mama nikkayena gantvāna paccāgamanāya pañhe Taṃ saṅgaraṃ brāhmaṇasappadāya saccānurakkhī punarāvajissaṃ.