[2368] Taggha te ahamakkhissaṃ yathāpi kusalo tathā rājā ca kho taṃ jānāti yadi kāhati vā na vā.

[2369] Ajja suveti saṃseyya raññā puṭṭho sucīrata mā katvā avasī rājā atthe jāte yudhiṭṭhilo ajjhattaññeva saṃseyya raññā puṭṭho sucīrata kummaggaṃ na niveseyya yathā muḷho acetaso. Attānaṃ nātivatteyya adhammaṃ na samācare atitthe nappatāreyya anatthe na yuto siyā. Yo ca etāni ṭhānāni kattuṃ jānāti khattiyo sadā so vaḍḍhate rājā sukkapakkheva candimā. Ñātīnañca piyo hoti mittesu ca virocati kāyassa bhedā sappañño saggaṃ so upapajjatīti. Sambhavajātakaṃ pañcamaṃ.