[2372] Sace vo vuyhamānānaṃ sattannaṃ udakaṇṇave manussabalimesāno nāvaṃ gaṇheyya rakkhaso anupubbaṃ kathaṃ datvā muñcesi dakarakkhasā.

[2373] Mātaraṃ paṭhamaṃ dajjaṃ bhariyaṃ datvāna bhātaraṃ tato sahāyaṃ datvāna pañcamaṃ dajja brāhmaṇaṃ chaṭṭhāhaṃ dajjamattānaṃ neva dajjaṃ mahosadhaṃ.

[2374] Posetā te janettī ca dīgharattānukampikā chabbhi tayi paduṭṭhasmiṃ paṇḍitā atthadassinī Aññaṃ upanisaṃ katvā vadhā taṃ parimocayi taṃ tādisiṃ pāṇadadiṃ orasaṃ gabbhadhāriniṃ mātaraṃ kena dosena dajjāsi dakarakkhino.

[2375] Daharā viyalaṅkāraṃ dhāreti apilandhanaṃ dovārike anīkaṭṭhe ativelaṃ pajagghati athopi paṭirājūnaṃ sayaṃ dūtāni sāsati mātaraṃ tena dosena dajjāhaṃ dakarakkhino.