[134] Devatā nusi gandhabbo ādū sakko purindado manussabhūto iddhimā kathaṃ jānemu taṃ mayaṃ.

[135] Namhi devo na gandhabbo namhi sakko purindado manussabhūto iddhimā evaṃ jānāhi bhāratha.

[136] |136.1| Katarūpamidaṃ bhoto veyyāvaccaṃ anappakaṃ devamhi vassanāmamhi anovassaṃ bhavaṃ akā. |136.2| Tato vātātape ghore sītacchāyaṃ bhavaṃ akā. Tato amittamajjhesu saratāṇaṃ bhavaṃ akā. |136.3| Tato phītāni raṭṭhāni vasino te bhavaṃ akā tato ekasataṃ khatye anuyante bhavaṃ akā.

[137] Na me atthopi rajjena nagarena dhanena vā athopi janapadena attho mayhaṃ na vijjati.