[187] Atho me sādisī bhariyā assavā piyabhāṇinī puttarūpayasūpetā mama chandavasānugā.

[188] |188.1| Bhavannu kacci nu mahā- sattuhatthatthataṃ gato dukkhamāpajja vipulaṃ tasmiṃ paṭhamamāpade. |188.2| Kacci yannāpatitvāna daṇḍena samapothayi evametesaṃ jammānaṃ pātikaṃ bhavati tāvade.

[189] |189.1| Khemamāsi mahārāja evamāpariyāsati na cāyaṃ kiñcirasmāsu sattūva samapajjatha. |189.2| Paccakampittha nesādo pubbeva ajjhabhāsatha tadāyaṃ sumukhoyeva paṇḍito paccabhāsatha.

[190] Svāgatañcevidaṃ bhavataṃ patīto casmi dassanā eso cāpi bahuvittaṃ labhataṃ yāvadicchati.