[292] Ko te imaṃ kosiya diṭṭhimodahi brahmā mahindo athavā pajāpati hirāya devesupi seṭṭhasammatā dhītā mahindassa mahesi jāyatha.

[293] Handehidāni tidivaṃ apakkama rathaṃ samāruyha mamāyitaṃ idaṃ indo ca taṃ indasagotta kaṅkhati ajjeva tvaṃ indasahabyataṃ vaja.

[294] Evaṃ visujjhanti apāpakammino atho suciṇṇassa phalaṃ na nassati yekeci addakkhuṃ sudhābhojanaṃ sabbeva te indasahabyataṃ gatāti.

[295] *- hirī uppalavaṇṇāsi kosiyo dānapati bhikkhu anuruddho pañcasikho ānando āsi mātali suriyo kassapo bhikkhu moggallānosi candimā Nārado sārīputtosi sambuddho āsi vāsavoti *-. Sudhābhojanajātakaṃ tatiyaṃ.