[315] Kasmā tuvaṃ rasaka edisāni karosi kammāni sudāruṇāni hanāsi itthī purise ca muḷho maṃsassa hetu ādū dhanassa kāraṇā.

[316] Na attahetu na dhanassa kāraṇā na puttadārassa sahāyañātinaṃ bhattā ca me bhagavā bhūmipālo so khādati maṃsaṃ bhadante edisaṃ.

[317] Sace tuvaṃ bhatturatthe payutto karosi kammāni sudāruṇāni pātova antepuraṃ pāpuṇitvā lapeyyāsi me rājino sammukhe taṃ.

[318] Tathā karissāmi ahaṃ bhadante yathā tuvaṃ bhāsasi kāḷahatthi pātova antepuraṃ pāpuṇitvā Vakkhāmi te rājino sammukhe taṃ.