[๗๕] |๗๕.๙| ทุมคฺเค ปํสุกูลิกํ ลคฺคํ ทิสฺวาน สตฺถุโน ตโตหํ อญฺชลึ กตฺวา ปํสุกูลํ อวนฺทิหํ ฯ |๗๕.๑๐| เทฺวนวุเต อิโต กปฺเป ยํ กมฺมมกรึ ตทา ทุคฺคตึ นาภิชานามิ ปํสุสญฺญายิทํ ๑- ผลํ ฯ |๗๕.๑๑| อิโต จตุตฺถเก กปฺเป ทุมหโร ๑- สุ ขตฺติโย จาตุรนฺโต วิชิตาวี จกฺกวตฺติ มหพฺพโล ฯ |๗๕.๑๒| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สุสญฺญโก ๒- เถโร อิมา คาถาโย อภาสิตฺถาติ ฯ สุสญฺญกตฺเถรสฺส ๓- อปทานํ สมตฺตํ ฯ