[๒๗๑] |๒๗๑.๓๔| หิมวนฺตสฺส เวมชฺเฌ สโร อาสิ สุนิมฺมิโต ตตฺถาหํ รกฺขโส อาสึ เหฏฺฐสีโส ๒- ภยานโก ฯ |๒๗๑.๓๕| อนุกมฺปโก การุณิโก วิปสฺสี โลกนายโก มมุทฺธริตุกาโม โส อาคญฺฉิ มม สนฺติเก ฯ ๒ ยุ. โปฏฺฐสีโส ฯ |๒๗๑.๓๖| อุปาคตํ มหาวีรํ เทวเทวํ นราสภํ อาสยา อภินิกฺขมฺม อวนฺทึ สตฺถุโน อหํ ฯ |๒๗๑.๓๗| เอกนวุเต อิโต กปฺเป ยํ วนฺทึ ปุริสุตฺตมํ ทุคฺคตึ นาภิชานามิ วนฺทนาย อิทํ ผลํ ฯ |๒๗๑.๓๘| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุปาคตหาสนิโย ๑- เถโร อิมา คาถาโย อภาสิตฺถาติ ฯ อุปาคตหาสนิยตฺเถรสฺส อปทานํ สมตฺตํ ฯ