[93] |93.1| Pūjārahe pūjayato buddhe yadica sāvake papañcasamatikkante tiṇṇasokapariddave. |93.2| Te tādise pūjayato nibbute akutobhaye na sakkā puññaṃ saṅkhātuṃ imettamapi kenaci. |93.3| Catunnampi ca dīpānaṃ issaraṃ yodha kāraye etissā pūjanāyetaṃ kalaṃ nāgghati soḷasiṃ. Itthaṃ sudaṃ āyasmā sudhāpiṇḍiyo thero imā gāthāyo abhāsitthāti. Sudhāpiṇḍiyattherassa apadānaṃ samattaṃ.