[108] |108.29| Suvaṇṇavaṇṇaṃ sambuddhaṃ gacchantaṃ anilañjase ghaṭāsanaṃva jalitaṃ ādittaṃva hutāsanaṃ. |108.30| Pāṇinā udakaṃ gayha ākāse ukkhipiṃ ahaṃ sampaṭicchi mahāvīro buddho kāruṇiko mayi . |108.31| Antalikkhe ṭhito satthā padumuttaranāmako mama saṅkappamaññāya imā gāthā abhāsatha. |108.32| Iminādakadānena pītiuppādanena ca kappasatasahassamhi duggatiṃ nūpapajjati. |108.33| Tena kammena dipadinda lokajeṭṭha narāsabha pattomhi acalaṃ ṭhānaṃ hitvā jayaparājayaṃ. Itthaṃ sudaṃ āyasmā udakapūjako thero imā gāthāyo abhāsitthāti. Udakapūjakattherassa apadānaṃ samattaṃ.