[126] |126.35| Nisajja pāsādavare vipassiṃ addasaṃ jinaṃ kakudhaṃ vilasantaṃva sabbaññuttamanāsakaṃ . |126.36| Pāsādassāvidūre ca gacchati lokanāyako pabhā niddhāvate tassa sataraṃsimhi nibbute . |126.37| Gandhodakaṃ ca paggayha buddhaseṭṭhaṃ samokiriṃ tena cittappasādena tattha kālaṃ kato ahaṃ. |126.38| Ekanavute ito kappe yaṃ gandhodakamokiriṃ duggatiṃ nābhijānāmi buddhapūjāyidaṃ phalaṃ. |126.39| Ekattiṃse ito kappe sugandho nāma khattiyo sattaratanasampanno cakkavatti mahabbalo. |126.40| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā gandhodakiyo thero imā gāthāyo abhāsitthāti. Gandhodakiyattherassa apadānaṃ samattaṃ.