[145] |145.10| Nibbute lokanāthamhi piyadassīnaruttame pasannacitto sumano buddhavedimakāsahaṃ. |145.11| Maṇīhi parivāretvā akāsimahamuttamaṃ vedikāya mahaṃ katvā tattha kālaṃ kato ahaṃ. |145.12| Yaṃ yaṃ yonūpapajjāmi devattaṃ atha mānusaṃ maṇiṃ dhārenti ākāse puññakammassidaṃ phalaṃ. |145.13| Soḷasito kappasate maṇippabhāsanāmakā battiṃsāsiṃsu rājāno cakkavattī mahabbalā. Itthaṃ sudaṃ āyasmā vedikārako thero imā gāthāyo abhāsitthāti. Vedikārakattherassa apadānaṃ samattaṃ.