[190] |190.46| Devabhūto ahaṃ santo accharāhi purakkhato pubbakammaṃ saritvāna buddhaseṭṭhaṃ anussariṃ. |190.47| Tikaṇṇipupphaṃ paggayha sakaṃ cittaṃ pasādayiṃ buddhamhi abhiropesiṃ vipassimhi narāsabhe. |190.48| Ekanavute ito kappe yaṃ pupphaṃ abhiropayiṃ duggatiṃ nābhijānāmi buddhapūjāyidaṃ phalaṃ. |190.49| Tesattatimhito kappe caturosuṃ ramuttamā sattaratanasampannā cakkavattī mahabbalā. Itthaṃ sudaṃ āyasmā tikaṇṇipupphiyo thero imā gāthāyo abhāsitthāti. Tikaṇṇipupphiyattherassa apadānaṃ samattaṃ.