[306] |306.13| Vipassino bhagavato mahābodhimaho ahu rukkhaṭṭhasseva sambuddho lokajeṭṭho narāsabho. |306.14| Bhagavā tamhi samaye bhikkhusaṅghapurakkhato catusaccaṃ pakāseti vācāsabhimudīrayaṃ. |306.15| Saṅkhittena ca desento vitthārena ca desayi vivaṭacchado sambuddho nibbāpesi mahājanaṃ. |306.16| Tassāhaṃ dhammaṃ sutvāna lokajeṭṭhassa tādino vanditvā satthuno pāde pakkāmi uttarāmukho. Itthaṃ sudaṃ āyasmā dhammasaññako thero imā gāthāyo abhāsitthāti. Dhammasaññakattherassa apadānaṃ samattaṃ.