[307] |307.20| Bhāgīrasīnadītīre ahosi assamo tadā tamahaṃ assamāgañchiṃ phalahattho asekkhavā . |307.21| Vipassiṃ tattha addakkhiṃ pītaraṃsīva bhāṇumaṃ yaṃ me atthi phalaṃ sabbaṃ adāsiṃ satthuno ahaṃ. |307.22| Ekanavute ito kappe yaṃ phalaṃ adadiṃ tadā duggatiṃ nābhijānāmi phaladānassidaṃ phalaṃ. |307.23| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā phaladāyako thero imā gāthāyo abhāsitthāti. Phaladāyakattherassa apadānaṃ samattaṃ.