[313] |313.1| Dhammadassissa munino vati kārāpitā mayā ārakkho ca mayā dinno dipadindassa tādino. |313.2| Aṭṭhārase kappasate yaṃ kammamakariṃ tadā tena kammāvasesena patto me āsavakkhayo. |313.3| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā ārakkhadāyako thero imā gāthāyo abhāsitthāti. Ārakkhadāyakattherassa apadānaṃ samattaṃ.