[346] |346.27| Himavantassavidūre bhūtagaṇo nāma pabbato tatthaddasaṃ paṃsukūlaṃ dumaggamhi vilaggitaṃ. |346.28| Tīṇi kiṅkaṇipupphāni ocinitvānahaṃ tadā haṭṭho haṭṭhena cittena paṃsukūlaṃ apūjayiṃ. |346.29| Ekattiṃse ito kappe yaṃ kammamakariṃ tadā duggatiṃ nābhijānāmi tiṇṇaṃ pupphānidaṃ phalaṃ. Itthaṃ sudaṃ āyasmā tīṇikiṅkaṇipūjako thero imā gāthāyo abhāsitthāti. Tīṇikiṅkaṇipūjakattherassa apadānaṃ samattaṃ.