[115] |115.20| Ubhinnaṃ devarājūnaṃ saṅgāmo paccupaṭṭhito ahosi samupabyuḷho mahāghoso avattatha. |115.21| Padumuttaro lokavidū āhutīnaṃ paṭiggaho antalikkhe ṭhito satthā saṃvejesi mahājanaṃ. |115.22| Sabbe devā attamanā nikkhittakavacāvudhā sambuddhaṃ abhivāditvā ekaggāsiṃsu tāvade. |115.23| Mayhaṃ saṅkappamaññāya vācāsabhimudīrayi anukampako lokavidū nibbāpesi mahājanaṃ. Itthaṃ sudaṃ āyasmā saraṇagamaniyo thero imā gāthāyo abhāsitthāti. Saraṇagamaniyattherassa apadānaṃ samattaṃ.