[130] |130.84| Pabbate himavantamhi vasāmi pabbatantare puḷinaṃ sobhanaṃ disvā buddhaseṭṭhaṃ anussariṃ. |130.85| Ñāṇe upanidhaṃ natthi saṅgāmaṃ natthi satthuno sabbadhammaṃ abhiññāya ñāṇena adhimuccati. |130.86| Namo te purisājañña namo te purisuttama ñāṇena te samo natthi yāvatā ñāṇamuttamaṃ. |130.87| Ñāṇe cittaṃ pasādetvā kappaṃ saggamhi modahaṃ avasesesu kappesu kusalaṃ karitaṃ mayā. Itthaṃ sudaṃ āyasmā ñāṇasaññako thero imā gāthāyo abhāsitthāti. Ñāṇasaññakattherassa apadānaṃ samattaṃ.