[135] |135.17| Candabhāgānadītīre ahosiṃ kinnaro tadā pupphabhakkho cahaṃ āsiṃ pupphānaṃ vasano ahaṃ . |135.18| Atthadassī tu bhagavā lokajeṭṭho narāsabho pavanaggena niyyāsi haṃsarājāva ambare. |135.19| Namo te purisājañña cittaṃ te suvisodhitaṃ pasannamukhavaṇṇosi vippasannamukhindriyo. |135.20| Orohitvāna ākāsā bhūripañño sumedhaso saṅghāṭiṃ pattharitvāna pallaṅkena upāvisi. |135.21| Vilinaṃ candanādāya agamāsiṃ jinantike pasannacitto sumano buddhassa abhiropayiṃ. Itthaṃ sudaṃ āyasmā candanapūjako thero imā gāthāyo abhāsitthāti. Candanapūjakattherassa apadānaṃ samattaṃ. Aṭṭhamaṃ bhāṇavāraṃ.