[139] |139.47| Visālamāḷe āsinno addasaṃ lokanāyakaṃ khīṇāsavaṃ balappattaṃ bhikkhusaṅghapurakkhataṃ. |139.48| Satasahassā tevijjā chaḷabhiññā mahiddhikā parivārenti sambuddhaṃ ko disvā nappasīdati. |139.49| Ñāṇe upanidhā yassa na vijjati sadevake anantañāṇaṃ sambuddhaṃ ko disvā nappasīdati. Itthaṃ sudaṃ āyasmā atthasandassako thero imā gāthāyo abhāsitthāti. Atthasandassakattherassa apadānaṃ samattaṃ.