[166] |166.18| Atthadassī tu bhagavā lokajeṭṭho narāsabho abbhuggantvāna vehāsaṃ gacchanto anilañjase. |166.19| Yamhi dese ṭhito satthā abbhuggacchi mahāmuni tāhaṃ desaṃ apūjesiṃ pasanno sehi pāṇihi. |166.20| Aṭṭhārase kappasate addasaṃ yaṃ mahāmuniṃ duggatiṃ nābhijānāmi desapūjāyidaṃ phalaṃ. Itthaṃ sudaṃ āyasmā desapūjako thero imā gāthāyo abhāsitthāti. Desapūjakattherassa apadānaṃ samattaṃ.