[222] |222.51| Piyadassissa bhagavato caṅkamaṃ sodhitaṃ mayā naḷakehi paṭicchannaṃ vātātapanivāraṇaṃ. |222.52| Pāpaṃ vivajjanatthāya kusalassūpasampadā kilesānaṃ pahānāya padahiṃ satthusāsane. |222.53| Ito ekādase kappe aggitejoti vissuto sattaratanasampanno cakkavatti mahabbalo. Itthaṃ sudaṃ āyasmā pāpanivāriyo thero imā gāthāyo abhāsitthāti. Pāpanivāriyattherassa apadānaṃ samattaṃ. Uddānaṃ hatthi pānadhi saccañca ekasaññi ca raṃsiyo sandhito tālavaṇṭi ca tathā akkantasaññako sappi pāpanivārī ca catupaññāsa gāthakāti. Hatthivaggo bāvīsatimo. ---------