[301] |301.40| Romaso nāma nāmena dānavo iti vissuto ambapiṇḍo mayā dinno vipassissa mahesino. |301.41| Ekanavute ito kappe yaṃ ambamadadiṃ tadā duggatiṃ nābhijānāmi ambadānassidaṃ phalaṃ. |301.42| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā ambapiṇḍiyo thero imā gāthāyo abhāsitthāti. Ambapiṇḍiyattherassa apadānaṃ samattaṃ.