[312] |312.47| Piyadassino bhagavato pabbhāro sodhito mayā ghaṭakañca upaṭṭhāsiṃ paribhogāya tādino. |312.48| Taṃ me buddho viyākāsi piyadassī mahāmuni sahassakaṇḍo satageṇḍu dhajālu haritāmayo. Itthaṃ sudaṃ āyasmā pabbhāradāyako thero imā gāthāyo abhāsitthāti. Pabbhāradāyakattherassa apadānaṃ samattaṃ. Uddānaṃ kesaraṃ gandhamannañca dhammasaññāphalena ca pasādārāmadāyī ca lepako buddhasaññiko pabbhārado ca gāthāyo ekapaññāsa kittitā. Padumakesariyavaggo ekattiṃsatimo. --------------